திருவிருத்தம்

 பொன்னிசூழ் அரங்கமேய பூவைவண்ண மாய கேள்!

என்னதாவி என்னும் வல்வினையினுள் கொழுந்தெழுந்து,
உன்னபாதம் என்னநின்ற ஒண்சுடர்க் கொழுமலர்,
மன்னவந்து பூண்டு வாட்டமின்றி எங்கும் நின்றதே.

எளிய விளக்கம்

காவிரி நதி (பொன்னி) சூழ்ந்த ஸ்ரீரங்கத்தில் எழுந்தருளியிருக்கும், காயாம்பூ போன்ற நீல நிறத்தைக் கொண்ட மாயவனே! என்னுடைய உயிர் எனப்படும் வலிய வினையின் உள்ளே ஒரு கொழுந்து எழுந்தது. அது உன்னுடைய திருவடிகள் என்று சொல்லும்படி நின்ற, ஒளிர்கின்ற சுடரையுடைய செழுமையான தாமரை மலராக மாறியது. அந்த மலர் என் நெஞ்சில் நிலைபெற்றுப் பொருந்தி, எவ்வித வாட்டமும் (வருத்தமும்) இல்லாமல் எங்கும் பிரகாசித்துக் கொண்டு நிற்கிறது.

அதாவது, ஆழ்வார் தன் நெஞ்சில் எம்பெருமானின் திருவடிகள் வந்து குடியேறியதால், தனக்கு இருந்த பாவங்கள் எல்லாம் நீங்கி, தன் உயிர் வாட்டமின்றிப் பேரின்பத்தில் திளைப்பதாக இந்தத் தத்துவத்தை விளக்குகிறார்.

திருச்சந்தவிருத்தம் -திருமழிசையாழ்வார்

ஆத¦ ஆத¦ ஆத¦ நீ ⋆

ஒர் அண்டம் ஆத¦ ஆதலால் ⋆

சோதியாத சோதி  நீ ⋆

அதுண்மையில்   விளங்கினாய்

வேதம் ஆகி  வேள்வி  ஆகி 

விண்ணிணிேனாடு மண்ணும் ஆய் ⋆

ஆதி ஆதி ஆயன் ஆய 

மாயம் என்ன மாயேம!

முக்கிய அற்புத நிகழ்வு (சொன்னவண்ணம் செய்த பெருமாள்)

காஞ்சிபுரம் திருவெஃகா திருத்தலத்தில் ஆழ்வார் தங்கியிருந்தபோது, அவரது சீடரான கணிகண்ணனை அந்நாட்டு மன்னன் ஊரை விட்டு வெளியேற உத்தரவிட்டான். சீடனின் பின்னே ஆழ்வாரும் செல்ல முடிவெடுத்தார். 

அப்போது அக்கோயில் பெருமாளிடம், "கணிகண்ணன் போகின்றான், நானும் அவனுடன் போகிறேன், நீயும் உன்னுடைய பாம்புப் படுக்கையைச் சுருட்டிக்கொண்டு எங்களோடு புறப்படு" என்று பாடினார். பெருமாளும் பக்தனின் சொல்லுக்குக் கட்டுப்பட்டுத் தனது படுக்கையைச் சுருட்டிக் கொண்டு அவர்கள் பின்னே சென்றார். இதனால் ஊரே இருண்டது. தவறை உணர்ந்த மன்னன் மன்னிப்புக் கேட்க, மீண்டும் ஆழ்வாரின் வேண்டுதலின்படி பெருமாள் அங்கே வந்து சயனித்தார். பக்தன் சொன்னவண்ணம் செய்ததால் இத்தல பெருமாளுக்கு 'சொன்னவண்ணம் செய்த பெருமாள்' (யதோக்தகாரி பெருமாள்) என்ற திருநாமம் ஏற்பட்டது

Gratefull...im gratefull..im gratefull..

im gratefull..im gratefull..

 Gratefull for the sun

 Gratefull for the rain

 Gratefull for the roof that keeps from the 

 Gratefull for the bread 

 Gratefull for the Wine 

 Gratefull for this Heart that's still beating fast..

im gratefull..im gratefull..

im gratefull for every little thing

வாரணம் ஆயிரம் - மணம் முடிக்க மணமகனாக‌ பெருமாள் வந்த நிலை

 

 கதிர்-ஒளித் தீபம் கலசம் உடன் ஏந்திச்

சதிர்இள மங்கையர் தாம்வந்து எதிர்கொள்ள

மதுரையார் மன்னன் அடிநிலை தொட்டு எங்கும்

அதிரப் புகுதக் கனாக் கண்டேன் தோழீ நான்            

கதிரவனைப் போல ஒளியுடைய தீபங்களையும், கலசங்களையும் ஏந்தி அழகிய இளம் பெண்கள் வரவேற்கும் போது வடமதுரை மன்னான கண்ணன் மணப்பந்தலின் நிலைப்படியினைத் தொட்டு வாத்தியங்கள் முழங்க உள்ள புகுந்து வர நான் கனவு கண்டேன் தோழீ

வாரணம் ஆயிரம் - காப்பு கட்டுதல்

 நால்-திசைத் தீர்த்தம் கொணர்ந்து நனிநல்கி

பார்ப்பன சிட்டர்கள் பல்லார் எடுத்துஏத்தி

பூப்புனை கண்ணிப் புனிதனோடு என்தன்னைக்

காப்பு-நாண் கட்டக் கனாக் கண்டேன் தோழீ நான்

நான்கு திசைகளிலிருந்தும் புனிதநீரினைக் கொண்டுவந்து அந்தணர்களில் சிறந்தோர் பலபேர்கள் மந்திரங்களால் ஓதி அப்புனிதநீரினைத் தெளித்து தாமரை மலர்களை அணிந்துள்ள புனிதமான கண்ணனுக்கும் எனக்கும் கையில் காப்புக் கயிறு கட்ட நான் கனவு கண்டேன் தோழீ

வாரணம் ஆயிரம் - பெரியோர்களின் அனுமதி

இந்திரன் உள்ளிட்ட தேவர்-குழாம் எல்லாம்
வந்திருந்த என்னை மகட் பேசி மந்திரித்து
மந்திரக்கோடி உடுத்தி மணமாலை
அந்தரி சூட்டக் கனாக் கண்டேன் தோழீ நான்

தேவர்களின் தலைவனான இந்திரன் உள்ளிட்ட தேவர்கள் எல்லாம் வருகை புரிந்து என்னை மணப்பெண்ணாய் மணம் பேசி மந்திரங்கள் சொல்லி எனக்கு புதிய ஆடைகளைக் கொடுத்து அவற்றை அணிந்து வந்தபின் மைத்துனியாகிய பார்வதி தேவி எனக்கு மணமாலையை அணிவிக்க நான் கனவு கண்டேன் தோழீ

வாரணம் ஆயிரம் - நிச்சயதார்த்தம்

நிச்சயதார்த்தம்

நாளை வதுவை மணம் என்று நாள் இட்டு

பாளைக் கமுகு பரிசு உடைப் பந்தற் கீழ்

கோளரி மாதவன் கோவிந்தன் என்பான் ஓர்

காளை புகுதக் கனாக் கண்டேன் தோழீ நான்

தென்னை மற்றும் பாக்கு மரத்தால் வேயப்பட்ட பந்தலின் கீழ் நரசிம்மனும் மாதவனும் ஆகிய கோவிந்தன் நாளை திருமணம் என்று நாள் குறித்த அறிவிப்பால் காளை போல வீற்றிருந்ததை நான் கனவில் கண்டேன் தோழீ

मूढ जहीहि धनागमतृष्णां
कुरु सद्बुद्धिम् मनसि वितृष्णाम् |
यल्लभसे निज कर्मोपात्तं
वित्तं तेन विनोदय चित्तम् ‖ 2 ‖

O deluded one, abandon your thirst for the acquisition of wealth. Cultivate right understanding in a mind free from craving. With whatever wealth you obtain through your own actions, gladden your heart with that alone.

வாரண மாயிரம் -- மாப்பிள்ளை அழைப்பு

  நாச்சியார் திருமொழி'

வாரண மாயிரம் 

மாப்பிளை அழைப்பு  

வாரண மாயிரம் சூழவ லம்செய்து,
நாரண நம்பி நடக்கின்றா னென்றெதிர்,
பூரண பொற்குடம் வைத்துப் புறமெங்கும்,
தோரணம் நாட்டக் கனாக்கண்டேன் தோழீநான்.

என்னைப்பெண் கேட்டு ஆயிரம் யானைகள் சூழ என் தலைவனான நாராயணன் வருகின்றான் என்ற செய்தியால் அவனை எதிர் கொண்டு வரவேற்க ஊர் மக்கள் எல்லாம் வழி எங்கும் தோரணங்கள் கட்டியும், பொன்னால் செய்த குடங்களைக் கொண்டு அலங்கரித்தும் இருந்ததை நான் கனவில் கண்டேன் தோழீ. 

திவளுற் றவண்டத் திரளினெங் கெங்கும்
அவளுக் கவளா மருட்பெருஞ் ஜோதி

அவனோ டவளா யதுவா யலவாய்
நவமா நிலைமிசை நண்ணிய சிவமே

பெரியோரின் நட்பை கைவிடுவதால் கிடைக்கும் பலன்

திருக்குறள் 

பெரியாரைத் துணைக்கோடல்

பல்லார் பகைகொளலிற் பத்தடுத்த தீமைத்தே
நல்லார் தொடர்கை விடல்

அறிவுடையார் நட்பு: அறத்தின் நுட்பமான வழிகளை உணர்ந்து, தம்மைவிட வயது மற்றும் அறிவால் முதிர்ந்த பெரியவர்களின் நட்பைத் தேடிப் பெற வேண்டும். 

துன்பம் காத்தல்: தமக்கு வரும் துன்பங்களை முன்கூட்டியே அறிந்து அதனைப் போக்கி, மேலும் துன்பம் வராமல் காப்பவர்களைப் போற்றித் துணையாகக் கொள்ள வேண்டும். 

பெருஞ்செல்வம்: அறிவு மற்றும் ஆற்றலில் தம்மைக் காட்டிலும் சிறந்த பெரியவர்களைத் தமது உறவாக (துணையாக)க் கொண்டு நடப்பதே, ஒருவருக்கான மிகச்சிறந்த பலமாகும். 

இடித்துரைப்பவர்: தவறு நேரும்போது அதனை வெளிப்படையாகச் சுட்டிக்காட்டி நல்வழிப்படுத்துபவர்களைத் துணையாகக் கொண்டவர்களை யாராலும் அழிக்க முடியாது.

                                                இன்னா நாற்பது

பெரியாரோ டியாத்த தொடர்விடுத லின்னா
அரியவை செய்து மெனவுரைத்த லின்னா
பரியார்க்குத் தாமுற்ற கூற்றின்னா வின்னா
பெரியோர்க்குத் தீய செயல். . . . .[26]

விளக்கம்:

பெரியவருடன் கொண்ட நட்பினை விடுதல் துன்பமாம். செய்தற்கரிய காரியங்களைச் செய்வோம் என்று கூறுவது துன்பமாம். அன்பு கொள்ளாதவர்களுக்குத் தாம் அடைந்த துன்பங்களைச் சொல்வது துன்பமாகும். பெருமையுடையவர்களுக்குத் தீயவற்றைச் செய்தல் துன்பமாகும்.

குமணவள்ளல் - புலவருக்காக தலை கொடுத்த வள்ளல்

                                    திருக்குறள்

வழங்குவ துள்வீழ்ந்தக் கண்ணும் பழங்குடி
பண்பில் தலைப்பிரிதல் இன்று. (குடிமை - 955)



தொன்றுதொட்டே வருகின்ற பழங்குடியிலே பிறந்தவர்கள், தாம் கொடுத்து உதவும் பொருள் சுருங்கிய போதும், தம் பண்பிலே குறைய மாட்டார்கள்

நல்வழி

வெண்பா : 9
ஆற்றுப் பெருக்கற் றடிசுடுமந் நாளுமவ்வா
ஊற்றுப் பெருக்கால் உலகூட்டும் - ஏற்றவர்க்கு
நல்ல குடிபிறந்தார் நல்கூர்ந்தார் ஆனாலும்
இல்லை என மாட்டார் இசைந்து

விளக்கம்
கால் சுடும் அளவிற்கு நீர் வற்றி போய் வெரும் மணலாக ஆறு வற்றி போனாலும், அதை தோண்டுவோருக்கு, ஊற்று நீர் கொடுத்து இந்த உலகதிற்கு உதவும் நதியைப் போலே நல்ல மனம் படைத்தோர், நல்ல காரியங்கள் செய்யும் நல்ல குடியில் பிறந்தோர் தங்களுக்கு இல்லையென்றாலும் அடுத்தவர் கேட்கும் பொது தங்களிடம் உள்ள பொருளையும் கொடுத்து உதவுவார்கள்.

Reaching Divine Day 14 - கையில் பொருள் இருக்கும்போதே அறம் செய்ய வேண்டும். (நாலடியார் )

                        நாலடியார்

மற்றறிவாம் நல்வினை யாமிளையம் என்னாது
கைத்துண்டாம் போழ்தே கரவா தறஞ்செய்ம்மின்
முற்றி இருந்த கனியொழியத் தீவளியால்
நற்காய் உதிர்தலும் உண்டு!        19






பின்னர் பார்த்துக்கொள்ளலாம்.
இப்போது நான் இளையவனாக இருக்கிறேன்
என்று எண்ணாமல்
அறம் செய்ய வேண்டும்.


கையில் பொருள் இருக்கும்போதே
அறம் செய்ய வேண்டும்.


புயல் காற்று அடிக்கும்போது
முற்றிய பழங்கள் உதிரும்போது
காய்களும் உதிர்வது உண்டு.


அதுபோல் இளமையிலும் இறப்பு நேரலாம்.

                அறன் வலியுறுத்தல்

அன்றறிவாம் என்னாது அறஞ்செய்க மற்றது
பொன்றுங்கால் பொன்றாத் துணை.

இளைஞராக உள்ளவர், பிற்காலத்தில் பார்த்து கொள்ளலாம் என்று எண்ணாமல் அறம் செய்ய வேண்டும். அதுவே உடல் அழியும் காலத்தில் அழியா துணையாகும்.

Reaching Divine Day 13 - தீமை செய்தவரும் வெட்கப்பட நன்மை செய்து விடு (மூதுரை)

மூதுரை

 

வெண்பா : 30

சாந்தனையும் தீயனவே செய்திடினும் தாம்அவரை
ஆந்தனையும் காப்பர் அறிவுடையோர் – மாந்தர்
குறைக்கும் தனையும் குளிர்நிழலைத் தந்து
மறைக்குமாம் கண்டீர் மரம்.

விளக்கம்
தன்னை வெட்டுபவனுக்கும் நிழலைத் தந்து காக்கும் மரத்தைப் போல, அறிவுடையார் அவர்தம் உயிருக்கே தீங்கு செய்பவனையும் இயன்ற வரைக் காக்கவே செய்வர்.

இன்னா செய்யாமை

இன்னாசெய் தாரை ஒறுத்தல் அவர்நாண
நன்னயஞ் செய்து விடல்.

இன்னா செய்தவரைத் தண்டித்தல் அவரே நாணும் படியாக அவருக்கு நல்லுதவி செய்து அவருடைய தீமையையும் நன்மையையும் மறந்து விடுதலாகும். (௩௱௰௪)
— மு. வரதராசன்

மரத்தை மறைத்தது மாமத யானை - Reaching Divine Day 12

 மரத்தை மறைத்தது மாமத யானை

மரத்தின் மறைந்தது மாமத யானை

பரத்தை மறைத்தது பார்முதற் பூதம்
பரத்தின் மறைந்தது பார்முதற் பூவே.¹

மரம் மற்றும் யானை (உவமை): மரத்தில் செய்யப்பட்ட ஒரு யானை பொம்மையைக் குழந்தை பார்க்கும்போது, அதற்கு உருவம் (யானை) மட்டுமே தெரிகிறது, செய்யப்பட்ட பொருள் (மரம்) மறைந்துவிடுகிறது. அதே பொம்மையை ஒரு தச்சன் பார்க்கும்போது, மூலப்பொருளான 'மரம்' மட்டுமே தெரிகிறது, உருவம் மறைந்துவிடுகிறது.

இறைவன் மற்றும் உலகம் (தத்துவம்): சாதாரண மனிதர்களுக்கு இந்த உலகத்தின் தோற்றமும், பஞ்சபூதங்களும் (பார் முதல் பூதம்) மட்டுமே தெரிகின்றன; அதற்குக் காரணமான பரம்பொருள் (இறைவன்) மறைந்துவிடுகிறது. ஆனால், ஞானிகளுக்கு இந்த உலகம் முழுவதும் இறைவனின் (பரம்) வடிவமாகவே தெரிகிறது. 

You are my sunshine, my only sunshine

You are my sunshine, my only sunshine

You make me happy when skies are gray
You'll never know, dear, how much I love you
Please don't take my sunshine away

மெய்த்துணையே Reaching Divine Day 11

 

• 3. பற்றயர்ந் தஞ்சிய பரிவுகண் டணைந்தெனைச்
  சற்றுமஞ் சேலெனத் தாங்கிய துணையே
  
• 584. தளர்ந்தவத் தருணமென் றளர்வெலாந் தவிர்த்துட்
  கிளர்ந்திட வெனக்குக் கிடைத்தமெய்த் துணையே
  
• 585. துறையிது வழியிது துணிவிது நீசெயும்
  முறையிது வெனவே மொழிந்தமெய்த் துணையே
  
• 586. எங்குறு தீமையு மெனைத்தொட ராவகை
  கங்குலும் பகலுமெய்க் காவல்செய் துணையே
  
• 587. வேண்டிய வேண்டிய விருப்பெலா மெனக்கே
  யீண்டிருந் தருள்புரி யென்னுயிர்த் துணையே
  
• 588. இகத்தினும் பரத்தினு மெனக்கிடர் சாரா
  தகத்தினும் புறத்தினு மமர்ந்தமெய்த் துணையே
  

Reaching divine Day 10

நடராஜபதி மாலை

 சாகாத கல்வியே கல்விஒன் றேசிவம்

தான்என அறிந்தஅறிவே
தகும்அறிவு மலம்ஐந்தும் வென்றவல் லபமே
தனித்தபூ ரணவல்லபம்
வேகாத காலாதி கண்டுகொண் டெப்பொருளும்
விளையவிளை வித்ததொழிலே
மெய்த்தொழில தாகும்இந் நான்கையும் ஒருங்கே
வியந்தடைந் துலகம்எல்லாம்
மாகாத லுறஎலாம் வல்லசித் தாகிநிறை
வானவர மேஇன்பமாம்
மன்னும்இது நீபெற்ற சுத்தசன் மார்க்கத்தின்
மரபென் றுரைத்தகுருவே
தேகாதி மூன்றும்நான் தருமுன்அருள் செய்தெனைத்
தேற்றிஅருள் செய்தசிவமே
சிற்சபையின் நடுநின்ற ஒன்றான கடவுளே
தெய்வநட ராஜபதியே.

Reaching divine Day 8

அடிமைப் பேறு

தானே அருள்ஆனான் தானே பொருள்ஆனான்தானேஎல் லாம்வல்ல தான்ஆனான் - தானேதான்
நான்ஆனான் என்னுடைய நாயகன்ஆ னான்ஞான
வான்ஆனான் அம்பலத்தெம் மான்.


https://www.youtube.com/watch?v=7M7wJQuhGpY

Reaching Divine Day 7

என்பி லதனை வெயில்போலக் காயுமே
அன்பி லதனை அறம்.


அறம் எதுவென அறிந்தும் அதனைக் கடைப்பிடிக்காதவரை, அவரது மனச்சாட்சியே வாட்டி வதைக்கும் அது வெயிலின் வெம்மை புழுவை வாட்டுவதுபோல இருக்கும்

                                                                         ஔவிய மாதியோ ராறுந் தவிர்த்தபேர்                                                        
                                                                        அவ்வியல் வழுத்து மருட்பெருஞ் ஜோதி                                                      

ஒளவிய மாதியோ ராறுந் தவிர்த்தபேர்

அவ்வியல் வழுத்து மருட்பெருஞ் ஜோதி – 26

ஒளவியம் முதற்கொண்டு மற்ற ஆறு குணங்களையும் தவிர்க்க வேண்டும்.

ஒளவியம்: ஒளவியம் என்றால் பொறாமை. என்னால் முடியாததை அவன் செய்துவிட்டானே! என்கின்ற ஏக்கமானது நம்மை தீயவழியில் செல்ல வற்புறுத்தும். காரிய சித்தி பெற்றவனை எண்ணும்போதெல்லாம், அவன் மீது நமது எண்ணம் தாக்குதல் நடத்தும். அந்த எண்ணமே நம்மை அவனுக்கு எதிராக தீய வழியில் செல்ல வழிவகுக்கும். எனவே ஒருவரை பார்த்து பொறாமை அடைதலை தவிர்க்க வேண்டும்.

பற்று, வஞ்சகம், ஈயாமை, பேராசை, மதியாமை, சகியாமை இவைகளே கீழ்த்தரமான ஆறு குணங்கள் ஆகும். இவைகளை முறையே 

•  காமம், 
• செல்வம், பொருள், தாய், தந்தை, மனைவி, கணவன், மகன், மகள், சகோதரன், சகோதரி இவர்களின் பால் அதீத பற்று வைத்து அதன் மயமாய் ஆவது காமம் எனப்படும். இப்படிப்பட்ட காமமும் நமக்கு தீமையே தரும். எனவே இவற்றின்பால் அவா மயமாய் இருக்கலாம். சன்மார்க்கத்தில் அவாவும் கூடாது.
• குரோதம், 
• ஒருவருக்கு கெடுதி விளைவிக்க எண்ணம் கொள்வது குரோதம் ஆகும். கெடுவான் கேடு நினைப்பான் எனவே நாம் ஒருவருக்கு கெடுதி செய்தால், அக்கெடுதியால் பாதிக்கப்படுவது நாம்தான். எனவே குரோதம் தவிர்க்கப்படவேண்டும்.
• லோபம், 
• தனது சம்பாத்தியத்திலிருந்து ஞானிகளுக்கு கூட சிறிதேனும் கொடுக்கக்கூடாது என்னும் எண்ணம் கொள்ளுதல் லோபம் எனப்படும். பொருள் சேர்க்க வேண்டும் என்கின்ற அதீத எண்ணம் இருப்பவனால் பிறருக்கு தருமம் தானம் செய்ய இயலாது. அப்பொருளால் பிறருக்கும் பயனில்லை, அவனுக்கும் பயனில்லாது போய்விடும். எனவே லோபம் கூடாது. ‘எட்டி பழுத்தென்ன? ஈயாதான் வாழ்ந்தென்ன?
• மோகம், 
• தனக்கு இருக்கும் பொருள் போதாதென்று இன்னும் கொஞ்சம் அதிகமாய் சம்பாதிக்க வேண்டும் என்னும் எண்ணம் கொண்டு செயல்படுதல் மோகம் எனப்படும். பார்க்கும் பொருள்களை எல்லாம் தன்வசப்படுத்திக்கொள்ள வேண்டும் என்ற மோகத்தால் விளைவது தீய செயல்களே. அதனால் மோகத்திலிருந்து விடுபடவேண்டும்.
• மதம், 
• பணம் பொருள் ஆகியவைகளை அதிகம் சேர்த்துக்கொண்டு, அதனால் வருகின்ற அகங்காரத்தால் மற்றவர்களை அலட்சியப்படுத்தி பேசும் குணத்தை மதம் என்கிறோம். பிறரை மதியாமல் மதம் கொண்டு நடந்தால் அழிவு அவனை தேடி வருகின்றது எனப்பொருள். எனவே மதத்தை தவிர்க்க வேண்டும்.
• மாச்சர்யம்
• 
  

Reaching Divine Day 6

அருள்விளக்க மாலை

கொள்ளைவினைக் கூட்டுறவால் கூட்டியபல் சமயக்
கூட்டமும்அக் கூட்டத்தே கூவுகின்ற கலையும்
கள்ளமுறும் அக்கலைகள் காட்டியபல் கதியும்
காட்சிகளும் காட்சிதரு கடவுளரும் எல்லாம்
பிள்ளைவிளை யாட்டெனநன் கறிவித்திங் கெனையே
பிள்ளைஎனக் கொண்டுபிள்ளைப் பெயரிட்ட பதியே
தள்ளரிய மெய்யடியார் போற்றமணி மன்றில்
தனிநடஞ்செய் அரசேஎன் சாற்றும்அணிந் தருளே.

Reaching Divine Day 5

இன்னும் பற்பல நாளிருந் தாலும்
இக்க ணந்தனி லேஇறந் தாலும்
துன்னும் வான்கதிக் கேபுகுந் தாலும்
சோர்ந்து மாநர கத்துழன் றாலும்
என்ன மேலும்இங் கெனக்குவந் தாலும்
எம்பி ரான்எனக்கு யாதுசெய் தாலும்
நன்னர் நெஞ்சகம் நாடிநின் றோங்கும்
நமச்சி வாயத்தை நான்மற வேனே.

Reaching Divine - DAY 4 - தர்மம் is a virtue

                                                     திருக்குறள்

                (அதிகாரம்:அறன் வலியுறுத்தல் குறள் எண்:33)

 ஒல்லும் வகையான் அறவினை ஓவாதே

  செல்லும்வாய் எல்லாம் செயல்

ஒல்லும் வகையான் - தத்தமக்கு இயலுந்திறத்தான் அறவினை ஓவாதே செல்லும்வாய் எல்லாம் செயல் - அறம் ஆகிய நல்வினையை ஒழியாதே அஃது எய்தும் இடத்தான் எல்லாம் செய்க.

(இயலுந்திறம் ஆவது - இல்லறம் பொருள் அளவிற்கு ஏற்பவும், துறவறம் யாக்கை நிலைக்கு ஏற்பவும் செய்தல், ஓவாமை, இடைவிடாமை, எய்தும் இடம் ஆவன மனம் வாக்குக் காயம் என்பன. அவற்றால் செய்யும் அறங்கள் ஆவன முறையே நற்சிந்தையும் நற்சொல்லும் நற்செயலும் என இவை. இதனான் அறஞ்செய்யும் ஆறு கூறப்பட்டது.)

முடிந்த வகைகளில் எல்லாம், சமயம் நேர்ந்தபோதெல்லாம் அறச் செயல்களை இடைவிடாது தொடர்ந்து செய்து வர வேண்டும்.